Казанның регби клубы югары лиганың бронза призеры булды
Сезон дәвамында «Стрела» клубы бер тапкыр да җиңелмичә уйнады.
(Казан,7 октябрь, "Татар-информ"). 3-6 октябрьдә Мәскәүнең «Фили» стадионында регби-15 буенча Югары лига финалында Казанның "Стрела" клубы өченче урын яулады. Бу турыда Татарстан Спорт министрлыгы матбугат хезмәте хәбәр итте.
Сезон эчендә «Стрела» клубы бер тапкыр да җиңелмичә, финалга фаворит булып керде. Ярымфинал матчында казанлылар «Енисей-СТМ-2» командасына оттырды һәм алга таба лигада өченче урын өчен көрәште.
6 октябрьдә «Фили» регби стадионында казанлылар «Кызыл Яр» дублен узып, бронза призер булды.
«Стрела» (5) 12:0 (0) «Кызыл Яр-2»
"Кызыл Яр-2" командасыннан Никита Федякин, "Стрела" командасыннан Герхард Визаж бу матчның иң яхшы уенчылары дип танылды.