Казанның Песочная урамында вакытлыча хәрәкәт чикләнә
Уңайсызлыклар газ үткәрү линиясендә төзекләндерү эшләре белән бәйле.
Скопировать ссылку
(Казан, 21 декабрь, “Татар-информ”). Казанда 17 гыйнварга кадәр Песочная урамында автотранспорт хәрәкәте чикләнә. Бу хакта шәһәр мэриясенең рәсми порталы җиткерә.
Чикләүләр Пихта урамыннан Колхоз урамына кадәр өлештә кертелә. Бу газ үткәрү линиясендә төзекләндерү эшләре белән бәйле, диелә хәбәрдә.
Шәһәр Башкарма комитеты руль артындагыларны игътибарлы булырга һәм вакытлыча куелган юл билгеләре күрсәтмәләрен үтәргә чакыра.