Архив 29 сентябрь 2017 21:36

Казанның Нокса ярында яңа парк ачылачак

Ачылу тантанасы 30 сентябрь көнне 10.30 сәгатьтә А.Аббасов урамы, 12 йорт адресы буенча урнашкан "Яз" торак комплексында узачак.

Скопировать ссылку

(Казан, 29 сентябрь, "Татар-информ"). Казандагы Нокса елгасы ярында "Яз" паркы ачылачак. Ачылу тантанасы 30 сентябрь көнне 10.30 сәгатьтә Азат Аббасов урамы, 12 йорт адресы буенча урнашкан "Яз" торак комплексында узачак. Бәйрәм кунакларын эчтәлекле күңел ачу программасы, бүләкле бәйгеләр көтә, дип хәбәр итә Казан мэриясе матбугат хезмәте.

Парк территориясе өч зонага бүленәчәк: актив ял итү һәм гаилә белән җәяү йөрү урыны, шулай ук яр буе. Актив ял итү зонасы быелдан эшли башлаячак.

Әлеге зонада экстрим-парк урнашачак. Шулай ук паркта аллея һәм велосипедта йөрү урыны, балалар өчен уен зонасы, эскәмияләр булдырылачак. Йога яратучылар өчен аерым урын каралган. Йорт хайваннарын йөртү өчен аерым мәйданчык ясарга уйлыйлар.

Иминлек өчен бөтен парк территориясендә видеокүзәтү камералары куячаклар.

#актив ял итү #парк

Сәхифәләр

Казанның Нокса ярында яңа парк ачылачак