Казанның «Максимус» тренажерлар залында шөгыльләнүче хатын-кыз вафат булган
Фитнес-клублар челтәренең бер бинасында тренажерда шөгыльләнгән вакытта бер хатын-кызның хәле киткән.
(Казан, 31 май, «Татар-информ»). Казанның «Максимус» фитнес-клублары челтәренең бер бинасында хатын-кыз вафат булган. Бу турыда шаһитлар хәбәр итә.
Агентлык чыганагы мәгълүматлары буенча, 56 яшьлек хатын-кыз Баруди урамындагы фитнес-клубта тренажерда шөгыльләнгән. Аның хәле киткән һәм ул ашыгыч ярдәм бригадасы килгәнче үлгән.
Россия Тикшерү комитетының Татарстан буенча Тикшерү идарәсе җитәкчесе ярдәмчесе хәбәр иткәнчә, хәзер урында тикшерүчеләр эшли.