Архив 16 ноябрь 2009 14:18

Казанның җәмәгать транспорты кондукторлары исемнәрен яшерә алмаячак

Казан мэры казанлыларның берсеннән интернет-кабул итү аша килгән тәкъдимне гамәлгә ашыру кирәк дип саный

Скопировать ссылку

(Казан, 16 ноябрь, «Татар-информ», Миләүшә Низаметдинова). Казан җәмәгать транспорты кондукторлары исем-фамилияләре язылган бейджиклар йөртергә тиеш. Бу чара - пассажирларга культуралы хезмәт күрсәтүнең бер элементы, теләсә кайсы пассажир аның исемен әйтеп башлыгына мөрәҗәгать итә алуын аңлаган хәлдә, транспортта хезмәт күрсәтүчеләр үзләрен тәртиплерәк тотарга тырышачак, дип белдерде бүген мэр Илсур Метшин шәһәр җитәкчелегенең «дүшәмбе киңәшмәсе»ндә.

Шул рәвешле, мэр ноябрь беткәнче шәһәрнең транспорт комитеты башлыгы Айдар Абдулхаковка кондукторларны исем-фамилияләре язылган бейджиклар белән тәэмин итүне йөкләде, ә транспорт белән идарә итүченең исем-фамилиясе язылган шундый ук белешмә салонда - аның кабинасында беркетелергә тиеш, диде ул.

Мондый тәкъдим мэрия сайтындагы интернет-кабул итү аша казанлыларның берсеннән килеп ирешкән, мэр исә ул тәкъдимне гамәлгә ашыру кирәк дип саный.

Сәхифәләр

Казанның җәмәгать транспорты кондукторлары исемнәрен яшерә алмаячак