Мәдәният 27 декабрь 2016 18:54

Казанның мәдәният институты студентлары диплом спектаклен Камал театры сәхнәсендә күрсәтте

Әлеге курсның җитәкчесе Россиянең һәм Татарстанның атказанган сәнгать эшлеклесе Фәрит Бикчәнтәев, укытучылары - Илгиз Зәйниев.

Скопировать ссылку

(Казан, 27 декабрь, “Татар-информ”) Татарстан башкаласында Г.Камал исемендәге Татар дәүләт академия театрында Казан дәүләт мәдәният һәм сәнгать институтының режиссерлык һәм актерлык осталыгы кафедрасы 4 курсы студентларының диплом эше күрсәтелде, дип хәбәр итә театрның матбугат хезмәте. Әлеге курсның җитәкчесе – Россиянең һәм Татарстанның атказанган сәнгать эшлеклесе, Г.Тукай исемендәге Дәүләт бүләге лауреаты Фәрит Бикчәнтәев, укытучылары – М.Җәлил исемендәге дәүләт бүләге иясе, драматург, режиссер Илгиз Зәйниев.

Театрда студентлар Антон Чехов пьесасы буенча "Палата № 6" спектаклен күрсәтте. Аны сәхнәгә куючы режиссер – Олег Кинҗәгулов.

Рольләрне тиздән дипломлы булачак артистлар Ленар Юлдашев, Эльвир Сәлимов, Йосыф Бикчәнтәев, Алмаз Борһанов, Рәзилә Мөхлисуллина, Миләүшә Хафизова, Ирина Кибякова, Айгөл Шәкүрова, Олег Кинҗәгулов, Диләрә Садриева, Эльмира Семенова башкарды.

#Камал театры #Илгиз Зәйниев #Фәрит Бикчәнтәев

Сәхифәләр

Казанның мәдәният институты студентлары диплом спектаклен Камал театры сәхнәсендә күрсәтте