Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның Кол Шәриф мәчетендә тәүлек буе Коръән укый башладылар
Яңа проект Россиядә беренче тапкыр гамәлгә куела
(Казан, 2 гыйнвар, «Татар-информ», Фәрит Шаһидуллин). Бүген, кояш керү белән, мөселманнар Мөхәммәд Пәйгамбәрнең туган көне - Мәүлид бәйрәмен билгеләп үтә. Таң ату белән, Татарстанның Кол Шәриф мәчетендә ТР мөселманнарының Диния нәзарәте уникаль проект – тәүлек буе Коръән укуны чынга ашырды.
Изге китапны 30 га якын хафиз бер-берсен 2 сәгать саен алмаштырып укыячак. Алар намаз вакытында гына туктап торачак, чөнки биш вакыт намаз уку - һәр мөселманның вазыйфасы.
ТР мөфтие Камил Сәмигуллин Россиядә яңа проектка старт бирде. Ул Коръәнне шәхсән беренче булып укыды. Республика мөселманнары лидеры билгеләп узганча, бу проект Татарстан белән Россия өчен яңалык булса да, дөньяда киң таралган. Мисал өчен, Истанбулда изге китапны өзлексез дүрт гасыр дәвамында укыйлар.
Проект дөнья беткәнче дәвам итәчәк, дип белдерде Камил хәзрәт.
Шул ук вакытта dumrt.ru ТР мөселманнары Диния нәзарәте интернет-сайты һәм islam-today.ru мәгълүмат-аналитик федераль порталы аша онлайн-трансляция оештырылган.
Фотосурәт dumrt.ru сайтыннан алынды.
Кызыклы яңалыкларны күзәтеп бару өчен Телеграм-каналга язылыгыз