Архив 13 ноябрь 2009 18:28

Казанның кайбер урамнарында транспорт өчен юл ябыла

Шәһәр Башкарма комитеты шул хакта кисәтә һәм ул урыннарны әйләнеп үтү җаен алдан уйлап эш итәргә чакыра

Скопировать ссылку

(Казан, 13 ноябрь, “Татар-информ”). Казанда гамәлдәге инженерлык системаларын ремонтлау һәм яңа коммуникацияләр үткәрү эшләре башкарылу сәбәпле, шәһәрдә кайбер урамнардан транспорт вакытлыча уза алмаячак:

13 ноябрь көнне 23.00 сәгатьтән 14е көнне 6.00 сәгатькәчә газ үткәргеч салынганга, Чернышевский ур., 31 нче йорт турысында;

14 ноябрь көнне 22.00 сәгатьтән тулы бер тәүлеккә, су үткәргеч сузу сәбәпле, Вахитов урамы буйлап Ягодинская – Бабушкин урамнарынача;

15 ноябрь 23.00 сәгатьтән 16сы көнне 6.00га кадәр газ торбалары салу эшләре Гоголь урамы буйлап Горький ур., 19/8 нче йорт турысында юл ябыла;

16-25 ноябрьдә җылылык трассасы салу сәбәпле, Молодежная урамы буйлап 6 нчы йорт турысында юл өлешчә ябыла;

16 ноябрьдән 15 декабрьгә кадәр, шулай ук җылылык трассасы салу эшләренә бәйле рәвештә, Шатурская урамы буйлап Гудованцев ур., 22 нче йорттан алып Шатурская ур., 252 нче йортка кадәрге участокта юл тулысынча ябыла.

Казан шәһәре Башкарма комитеты шул хакта кисәтә һәм машина йөртүчеләргә ул урыннарны әйләнеп үтү җаен алдан уйлап эш итәргә чакыра.

Сәхифәләр

Казанның кайбер урамнарында транспорт өчен юл ябыла