Җәмгыять 22 сентябрь 2014 17:53

Казанның ИТ-паркында «IT-чемпион-2014» республика конкурсында җиңүчеләр бүләкләнде

Барлыгы 153 укучыга ноутбуклар бүләк ителде

Скопировать ссылку

(Казан, 22 сентябрь, «Татар-информ»). Казанның ИТ-паркында «IT-чемпион-2014» республика конкурсының I этабында җиңүчеләр бүләкләнде: 153 укучыга (һәр районнан - өчәр) ноутбуклар бүләк ителде.

Республика буенча иң күп баллар җыйган 10 укучыны тантаналы шартларда бүләкләп, аерым хөрмәт ителде.

Укучылар өчен чып-чын бәйрәм оештырылган иде. Аларны "Кызыклы фән" тамашасы, сабын куыклары белән уйнау, радио белән идарә ителешле машиналар, футбол фристайлы, аэрохоккей, X-box, баллы мамык, фотобудка, шулай ук теш пастасы, беләзекләр ясау буенча мастер класслар, Кызыклы фән һәм техника йортыннан эспонатлар көтә иде. Шулай ук кунаклар каршында "Детское Евровидение-2013" конкурсының Россиякүләм сайлап алу туры җиңүчесе Даяна Кириллова чыгыш ясады, дип хәбәр итә ТР Мәгълүматлаштыру һәм элемтә министрлыгы сайты.

Искәртеп узабыз: конкурс ТР дәүләт һәм муниципаль хезмәтләр порталын популярлаштыру максатында үткәрелә. Конкурста 102 меңнән артык укучы катнаша, алар 117 меңнән артык татарстанлыны портал белән эшләргә өйрәткән.

Сәхифәләр

Казанның ИТ-паркында «IT-чемпион-2014» республика конкурсында җиңүчеләр бүләкләнде