Татар дөньясы 27 август 2021 07:34

Казанның Иске Татар бистәсендә «Тукай тормышы» дигән туристик маршрут эшли башлаячак

Экскурсияләр рус һәм татар телләрендә узачак.

Скопировать ссылку

(Казан, 27 август, «Татар-информ»). Казанда яңа туристик маршрут барлыкка киләчәк. «Иске шәһәр» префектурасы һәм «Тарихи мохит» муниципаль бюджет учреждениесе «Тукай тормышы» дигән икетелле экскурсия башлап җибәрә. Маршрут шагыйрь Габдулла Тукай тормышы һәм иҗаты белән бәйле урамнар һәм истәлекле урыннар буйлап салынган.

Экскурсияләр рус һәм татар телләрендә узачак. Төркемне җыю теркәлү буенча алып барыла, +7(904)-714-32-51 телефоны буенча язылу мөмкин. Бу хакта Казан мэриясе матбугат хезмәте хәбәр итә.

Яңа туристик маршрутны тәкъдим итү 30 августта булачак. 15:00 сәгатьтә экскурсия рус телендә, 17:30 сәгатьтә – татар телендә узача.

#Габдулла Тукай #Иске Татар бистәсе

Сәхифәләр

Казанның Иске Татар бистәсендә «Тукай тормышы» дигән туристик маршрут эшли башлаячак