Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның ике паркында яктыртылган чаңгы трассалары барлыкка киләчәк
Казанлылар Җиңү паркы һәм «Крылья Советов» паркында чаңгыда шуа алачак.
(Казан, 13 ноябрь, «Татар-информ», Динара Сираҗиева). Парк һәм скверларны төзекләндерү программасын тормышка ашыру кысаларында Казанның ике паркында яктыртылган чаңгы трассалары барлыкка киләчәк. Физик культура һәм спорт комитеты рәисе Светлана Вострикова эшлекле дүшәмбе киңәшмәсендә шул хакта хәбәр итте.
Әйтик, Җиңү паркында – 3 чакрым, «Крылья Советов» паркында 1,3 чакрым озынлыгындагы чаңгы трассасы пәйда булачак. Әлеге парклардан тыш, төзекләндерү программасы Горки-Әмәт урманына да кагылды. Биредә чаңгы трассалары һәм чаңгычылар өчен күперчекләр тәртипкә китерелде.
Вострикова билгеләп үткәнчә, Горький паркы, Нагорный бистәсендәге Каенлык, Юдино һәм Чабакса торак массивларында да яктыртылган чаңгы трассалары булдыру күздә тотыла.
Казанда 10 чаңгы базасында берничә прокат пункты эшләячәк. Прокатка 1500 пар чаңгы бирәчәкләр.
«Свияжские холмы» курорт-шәһәре һәм «Нагорный» торак массивында, Тирән күлдә, Бертуган Касыймовлар һәм Имәнлек урамнарында махсус трассалар һәм тау чаңгылары, кар автомобиле, сноуборд, тюбингларны прокатка бирү пунктлары оештырылачак.
Кызыклы яңалыкларны күзәтеп бару өчен Телеграм-каналга язылыгыз