Казанның Игенчеләр сарае каршында үтәчәк бәйрәмдә лотереяга бозау уйнатыла
Яңа елга багышланган бәйрәм программалары 3, 5 һәм 7 гыйнварда үтәчәк.
Скопировать ссылку
(Казан, 1 гыйнвар, "Татар-информ"). 3, 5 һәм 7 гыйнварда Казандагы Игенчеләр сарае каршында Яңа елга багышланган бәйрәм чаралары узачак, дип хәбәр итә ТР Авыл хуҗалыгы министрлыгы матбугат хезмәте.
Казан халкы һәм башкала кунаклары өчен концерт программасы, төрле кызыклы уеннар, бәйгеләр оештырылачак. Мәсәлән, 3 гыйнварда кар машиналары һәм квадрацикллар күргәзмәсе, ә 5 гыйнварда җәнлекләр күргәзмәсе тәкъдим ителәчәк. Шулай ук атта йөрү мөмкинлеге тудырылачак һәм лотерея уйнатылачак. Төп бүләк – бозау.
Бәйрәм программалары 11.00 сәгатьтә башлана.