Казанның Җиңү проспектында такси автобуска килеп бәрелгән, ике кеше зыян күргән
Авария кичә көндез җәмәгать транспорты тукталышы янында булган.
(Казан, 10 март, «Татар-информ», Полина Шевчук). Казанның Җиңү проспектында такси автобуска килеп бәрелгән, ике кеше зыян күргән. Социаль челтәрләрдән файдаланучылар интернетта юл һәлакәте булган урында төшерелгән фотолар урнаштырды.
Аварияне күргән кешеләр әйтүенчә, «МАЗ» автобусының йөртүчесе тукталыш янында хәрәкәтен акрынайткан. Таксист, җәмәгать транспорты шоферының мондый маневрына әзер булмыйча, аңа килеп бәрелгән дип фаразлана. Нәтиҗәдә, «КИА» автомобиленең алгы өлешенә зыян килгән.
Казан шәһәре Дәүләт автоинспекциясендә «Татар-информ» агентлыгына белдерүләренчә, авариядә чит ил автомобиленең йөртүчесе һәм пассажиры төрле тән җәрәхәтләре алган. Аларның икесен дә хастаханәгә озатканнар.