Казанның иң өлкән кияү егетенә 89 яшь булган
Яңа туган иң бәләкәй балага нибары 670 грамм гына
(Казан, 28 август, “Татар-информ”). 21-27 август көннәрендә Казанның ГХАТ (ЗАГС) бүлекләрендә 563 сабый (231 малай һәм 232 кыз) тууы турында теркәлгән. Туган вакытта иң җиңел һәм авыр бала авырлыгы күрсәткечләре – 670 һәм 4900 грамм. Иң яшь анага17, иң олы яшьтәгесенә 43 яшь булган. Шамил, Артем, Дмитрий, Кәрим, Милана, Даниил, Карина, Дарья, Сәмира исемнәре бу атнада әти-әниләр балаларына куйган иң күп исемнәр рәтендә йөри. Бу атнада туган нәни казанлыларга кушылган иң сирәк исемнәр – Мирон, Исмира, Линда, Серафима, Газизә, Станислава, Сөмбел.
Шул ук чорда башкалада 341 пар язылышкан. Атнаның иң яшь кияве белән кәләшенә 18 яшь, иң өлкән кияүгә 89 яшь булса, иң олы яшьтәге кәләшкә - 78 яшь, дип хәбәр итә Казан мэриясе сайты аша ГХАТ идарәсе.