Казанның Химиклар урамында ике кешене үтерүдә шикләнелүче ир-ат судка китерелде
Фаҗига 30 сентябрь кичендә “Жилплощадка” микрорайонында булган.
(Казан, 2 октябрь, "Татар-информ", Елена Кривопатре). Казанның Мәскәү районы судына Химиклар урамында ике кешене үтерүдә шикләнелүче ир-атны алып килделәр.
- 30 сентябрь кичендә Химиклар урамындагы “Энергетик” гараж комплексында ике кешене үтергәннәр иде.
Тикшерү мәгълүматлары буенча, һәлак булучылар белән 38 яшьлек шикләнелүче Александр Архиреев арасында күптәнге конфликт булган. Ирләр Архиреевның гараж сатканын белеп алган һәм сатып алучылар кыяфәтендә аның белән очрашуга килгән. Бер мизлгелдә компания аерылып китә һәм сатучы, форсаттан файдаланып, кулына пычак ала һәм бер-бер артлы аларга һөҗүм итә.
Яраланган егетләрнең берсе урында ук, икенчесе хастаханәгә барганда вафат булган.
Александр Архиреевны икенче көнне кулга алганнар. Аңа карата “Үтерү” маддәсе буенча җинаять эше ачылган.
