Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның "Хәтер" мәчетенә погонлы мөселманнар йөри
Мәчет урынында элегрәк җәзалар үтәлгән икән, дигән сүзләр - бөтенсе уйдырма, диде Харис хәзрәт.
(Казан, 11 апрель, "Татар-информ", Мөршидә Кыямова). Казанның "Хәтер" мәчетендә уза торган җомга намазларына гадәттә погонлы мөселманнар җыела. "Безнең мәчет кечкенә, шулай да 20-30 кешене сыйдырабыз. Арабызда Коръәнне җан вә тән белән моңлы итеп укучы полковниклар бар", - диде "Татар-информ" хәбәрчесенә милиция полковнигы, Россия гуманитар фәннәр академиясенең шәрәфле әгъзасы, Бөек Ватан сугышы ветераны, "Хәтер" мәчетенең имам-хатыйбы Харис хәзрәт Салихҗан.
"Мәчет урынында элегрәк җәзалар үтәлгән икән, дигән сүзләр - бөтенсе уйдырма. Татарстан Эчке эшләр министрлыгы җирлегендә һичкайчан да, беркем тарафыннан да, бер кеше дә мондый хәвефкә дучар ителмәгән, - ди Салихҗан хәзрәт. - Җәмгыятьнең иң азгын, фанат сатанистлары чыгара мондый сүзләрне. Бернинди дәвердә дә, бер генә кеше дә монда җәберләнмәгән, ә башка җирләрдә булганын галимнәр тикшерде. 2Бер изге эш эшлим дисәң, шайтан чыга каршыма", дигән берәү. Менә шушы шайтаннар вәсвәсәсе бу. Әйе, заманында кешеләр атылган, җәзага тартылган, ләкин бу урында түгел. Хөкем карары башка урыннарда башкарылган".
Татарстан Эчке эшләр министрлыгы территориясендә урнашкан "Хәтер" мәчете 2007 елда ачылды. "Бу мәчетне төзүнең төп максаты - Бөек Ватан сугышы кырларында илнең иминлеге өчен ятып калган һәм сугыштан соңгы елларда җинаятьчеләр белән көрәштә һәлак булган милиция хезмәткәрләре истәлеген хөрмәтләү. Вәгазьләр вакытында, һәр көн диярлек ил өчен башын салган милиционерларның якты истәлеге хөрмәтенә аларның исемнәре атала, алар рухына догалар кылабыз», - ди мәчетнең имам-хатыйбы.
Кызыклы яңалыкларны күзәтеп бару өчен Телеграм-каналга язылыгыз