Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанның өч мәктәбендә "Коррупциягә "Юк!" дип әйт" исемле квест уздырыла
Балаларга уен формасында бүгенге көннең коррупциягә бәйле проблемаларның асылын аңлаталар
(Казан, 29 октябрь, «Татар-информ»). Бүген "ТР Иҗади яшьләр академиясе" төбәк иҗтимагый оешмасы активистлары Казанның белем бирү учреждениеләрендә яшьләрнең коррупциягә каршы көрәшенә багышланган "Коррупциягә "Юк!" дип әйт" исемле чаралар үткәрә.
Татарстанның күп кенә мәктәпләре, хастаханәләре һәм балалар сәламәтләндерү лагерьларында коррупциягә каршы торуга багышланган командалы белем бирү-күңел ачу уеннары узган. Бу юлы коррупциягә каршы чаралар 28нче гимназия, 131нче лицей һәм 80нче аерым фәннәрне тирәнтен укыта торган татар-рус урта гомум белем бирү мәктәбендә узачак.
"Чара квест формасында уздыруны күздә тота, ул өч учреждениедә дә бер үк төрле булачак. Уен кысаларында укучылар бер станциядән икенчесенә хәрәкәт итеп, алты бирем үтиячәк. Аларны алты командага берләштерәләр", - дип сөйләде "Татар-информ" агентлыгы хәбәрчесенә "ТР Иҗади яшьләр академиясе" төбәк иҗтимагый оешмасы активисты Мария Крюкова.
Ул билгеләп узганча, коррупциягә каршы квест кысаларында коррупция тарихын белүгә викторина, шул темага плакатлар, шигырьләр конкурсы да үтәчәк.
Кызыклы яңалыкларны күзәтеп бару өчен Телеграм-каналга язылыгыз