Казанның бер ишегалдында көчле җил нәтиҗәсендә машина өстенә агач ауган
Гадәттән тыш хәл бүген көндез Вишневский урамындагы 14нче йорт ишегалдында булган.
Скопировать ссылку
(Казан, 28 октябрь, «Татар-информ»). Казанның бер ишегалдында көчле җил нәтиҗәсендә машина өстенә агач ауган. Бу хакта социаль челтәрләрдән файдаланучылар хәбәр итте.
Аларның әйтүенчә, гадәттән тыш хәл бүген көндез Вишневский урамындагы 14нче йорт ишегалдында булган.
Моннан тыш, алар агентлыкка Восстание урамында да җилнең тротуарга зур гына бер агачны аударуы хакында хәбәр итте. Беркем дә зыян күрмәгән.
