Казанның Бауман урамында флешмоб узачак
Ул Х Халыкара мөселман киносы фестиваленә багышлана
(Казан, 3 сентябрь, “Татар-информ”). Иртәгә кичке 5 тә Казанның җәяүлеләргә бирелгән Бауман урамында Х Халыкара мөселман киносы фестиваленә багышланган флешмоб узачак. Тукай сәгате янына җыелучылар фестиваль-форумның биюен башкарачак, аларга тәҗрибәле алып баручылар ярдәм итәчәк. Флешмобта катнашучыларның барысына да истәлекле бүләкләр тапшырылу ниятләнелә, дип хәбәр итә фестивальне оештыручылар “Татар-информ” агентлыгына.