Җәмгыять 9 март 2010 13:52

Казанның Авиатөзелеш районында сугыш ветераннарына ретро-программа тәкъдим итәчәкләр

Бәйрәм чарасы Бөек Җиңүнең 65 еллыгына багышланган

Скопировать ссылку

(Казан, 9 март, “Татар-информ”, Ирина Игнатьева). Авиатөзелеш районында яшәүче 450 ветеран һәм тыл хезмәтчәне Бөек Җиңүнең 65 еллыгына багышланган ретро-программага чакыру алды. Бәйрәм чарасы иртәгә Ленин исемендәге Мәдәният сараенда узачак. Бу хакта “Татар-информ” агентлыгына Авиатөзелеш районы хакимиятенең матбугат хезмәтеннән хәбәр иттеләр.
Хөрмәтле кунаклар өчен бәйрәм концертын район Мәдәният йортларының сәнгать коллективлары әзерләгән. Концерт программасы сугыш еллары һәм сугыштан соңгы елларда иҗат ителгән җырлардан төзелгән.
Бәйрәм чарасының икенче өлешендә ветераннар үзләренең яшьлек елларында популяр булган җырларны башкарачак.

Сәхифәләр

Казанның Авиатөзелеш районында сугыш ветераннарына ретро-программа тәкъдим итәчәкләр