Казанның Архангел зираты янында транспорт өчен юл өлешчә ябыла
Республика башкаласының кайбер башка урамнарында да шундый ук хәл
(Казан, 25 ноябрь, «Татар-информ»). Юл кырыйларындагы киртәләрне сүтеп алу техникасы куелу сәбәпле, Казанның Даурия урамы буйлап Архангел зираты янындарак 8 декабрьгә кадәр транспорт өчен юл өлешчә ябыла. Моннан тыш, Тимирязев урамында канализация торбалары салынганга, ул урамдагы 2 нче йорт турысында да 26 ноябрьгә кадәр шундый ук хәл булачак. Тагын Шаляпин урамындагы 14 нче йорт янында 1 декабрьгә тиклем өлешчә юл ябыла, дип хәбәр итә мэриянең матбугат хезмәте.
Дәүләт автоинспекциясе исә рульдәгеләрне вакытлыча куелган юл билгеләре буенча хәрәкәт итәргә кирәклеген искәртә.