Казанны алганда һәлак булган хәрбиләр һәйкәлен төзекләндерүгә акча бүлеп бирелде
Рөстәм Миңнеханов боерыгы белән проект документларын эшләп бетерү һәм гыйбадәтханә урнашкан утрауны ныгыту өчен финанслар бүлендде.
(Казан, 4 июль, «Татар-информ», Елена Кривопатре). Татарстан Президенты Рөстәм Миңнеханов Казанны алганда һәлак булган хәрбиләр истәлегенә куелган һәйкәлне (ул гыйбадәтханәне дә үз эченә ала) реставрацияләү проектына акча бүлеп бирде. Бу хакта «Татар-информ» агентлыгына Казан епархиясенең баш инженеры Михаил Федотов хәбәр итте.
Татарстан Республикасы Президенты боерыгы белән һәйкәлнең проект документларын эшләп бетерү өчен финанслар бүленде. Нигездә, бу – гыйбадәтханәнең фасадлары һәм интерьерлары. Шулай ук гыйбадәтханә урнашкан утрауны ныгыту өчен акча бүлеп бирелде, диде Михаил Федотов.