Спорт 23 ноябрь 2009 19:32

Казанның «Ак Бүре» спорт комплексында Бөтенроссия баскетбол турниры була

Турнир 1996-1997 елда туган егетләр һәм кызлар командалары арасында үткәрелә

Скопировать ссылку

(Казан, 23 ноябрь, «Татар-информ», Миләүшә Низаметдинова). 25-29 ноябрьдә Казанның «Ак Бүре» спорт комплексында (Ваһапов ур., 17) 1996-1997 елда туган егетләр һәм кызлар командалары арасында баскетбол буенча Бөтенроссия турниры уздырылачак. Әлеге спорт ярышлары Россия спорт мастеры – танылган баскетболчы һәм соңыннан тренер Вячеслав Левченко (1940-1994) истәлегенә үткәрелә.

Турнир Мәскәү, Санкт-Петербург, Түбән Новгород, Ижевск, Чабаксар, Видное һәм Россиянең башка шәһәрләреннән, Татарстаннан җәмгысе 12 команда килер дип көтелә. Казан мэриясеннән алынган мәгълүмат буенча, турнирда Казан данын «УНИКС-Юниор» белән Вахитов районы балалар һәм яшүсмерләр спорт мәктәпләре яклый.

Турнирны ачу тантанасы 26сына 13.00 сәгатькә билгеләнгән.

Сәхифәләр

Казанның «Ак Бүре» спорт комплексында Бөтенроссия баскетбол турниры була