news_header_bot_970_100
Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның 25 урынында корбан чалу мәйданчыклары оештырыла
Корбан бәйрәме көнне корбан чалу мәйданнарында ветеренария хезмәткәрләре дә эшлиячәк.
Скопировать ссылку
(Казан, 16 август, “Татар-информ”, Мөршидә Кыямова). Казанның 25 урынында корбан чалу мәйданчыклары оештырыла. Хәзерге вакытта 6 мең 400 корбанлыкка халык гариза биргән. Бу хакта бүген “Татар-информ” мәгълүмат агентлыгында дини бәйрәмдә корбан чалу кагыйдәләренә һәм нормаларына багышланган матбугат конференциясендә Казанның Вахитов районының баш ветеринары, табиб Илгиз Камалов хәбәр итте.
Бүген “Татар-информ” мәгълүмат агентлыгында Корбан бәйрәмендә корбан чалу кагыйдәләренә һәм нормаларына багышланган матбугат конференциясе узды. Анда Татарстан Республикасы Министрлар Кабинеты каршындагы Баш ветеринария идарәсенең Хайваннарда йогышлы авырулар һәм эпидемиягә каршы чаралар бүлеге җитәкчесе Александр Козлов һәм Казан Вахит районының баш ветеринары, табиб Илгиз Камалов катнашты.
Корбан бәйрәмен ветеринария хезмәткәрләре дә җитди әзерлек белән каршы алырга җыена. Чөнки Корбан бәйрәме алдыннан республикабызга күрше төбәкләрдән күп санда корбанлыклар кертеләчәк. Мәгълүм булганча, алар арасында төрле инфекция йөрткән хайваннар булуы да ихтимал. Республика Министрлар Кабинеты каршындагы Баш ветеринария идарәсенең Хайваннарда йогышлы авырулар һәм эпидемиягә каршы чаралар бүлеге җитәкчесе Александр Козлов белдергәнчә, инфекцияле корбанлык кешегә зыянлы булмаса да, Татарстандагы терлек сәламәтлегенә зур зыян салырга мөмкин. Шуңа күрә бигрәк тә чит регионнардан хайван сатып алганда, мал турында тулы белешмәсен дә сорарга кирәк.
“Быел корбан чалу урыннарында безнең хезмәткәрләр дә эшлиячәк, - ди Илгиз Камалов. – Корбанлык сатып алганда малга игътибарлырак булырга кирәк. Корбанга сау-сәламәт, кимчелеге булмаган сарыклар гына кулланырга тиеш булса да, сатучыларның да төрлесе очрый. Узган ел ветеринар язуы булмаган хайваннар сатырга теләгән очраклар да теркәлде. Быел без шикле корбанлыкларның каннарын да тикшерәчәкбез. Әлеге чыгымнарны хөкүмәт үз өстенә ала”.
“Татар-информ” агентлыгына килгән спикерлар билгеләп узганча, Татарстанда башкарыла торган корбанлыкларның фәкать 30 проценты гына үз республикабызда җитештерелә. Калганы күрше регионнардан кертелә.
Исегезгә төшереп узабыз, 1 сентябрь – Корбан гаете. Бу көнне барлык мөэмин-мөселман халкы олы бәйрәмне билгеләп узачак.
Кызыклы яңалыкларны күзәтеп бару өчен Телеграм-каналга язылыгыз
autoscroll_news_right_240_400_2