Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның 2 нче балалар сәнгать мәктәбенең 50 еллык юбилеена багышланган тантана үткәрелә
Аның кысаларында ТР Дәүләт сынлы сәнгать музееның күргәзмәләр залында 170ләп экспонаттан торган «Буыннардан килгән сәнгать» күргәзмә ачыла
(Казан, 2 декабрь, «Татар-информ», Миләүшә Низаметдинова). Бүген ТР Дәүләт сынлы сәнгать музееның күргәзмәләр залында 2 нче балалар сәнгать мәктәбенең 50 еллык юбилеена багышланган тантана үткәрелә.
Тантана программасына 170ләп экспонаттан торган «Буыннардан килгән сәнгать» күргәзмәсен ачу, анимацион фильм күрсәтү, Н.Җиһанов исемендәге Казан дәүләт консерваториясе студентлары квартеты чыгышлары һ.б. чаралар кертелгән. Балалар сәнгать мәктәбенең директор Жанна Шаһидуллина җитәкчелегендәге коллективын юбилей белән котлар өчен, анда ТР Мәдәният министрлыгы һәм шәһәр мәдәният идарәсе, Казан шәһәре һәм Яңа Савин районы хакимиятләре җитәкчелеге вәкилләре, шушы мәктәпне тәмамлап чыгып танылу алган шәхесләр – рәссамнар, галимнәр, балалар сәнгать мәктәпләре директорлары һ.б. килә, ә хезмәтләре белән аерылып торган педагоглар министрлык һәм идарәнең Мактау гармоталары белән бүләкләнә.
Казан мэриясеннән алынган белешмәдә әйтелгәнчә, хәзерге вакытта 2 нче балалар сәнгать мәктәбенең 19 кешедән торган коллективыннан 10сы – укытучы һәм аларның 4се РФ Рәссамнар берлеге әгъзасы булып тора, 2сенә Татарстанның атказанган сәнгать эшлеклесе һәм Татарстанның атказанган мәдәният хезмәткәре исемнәре бирелгән; анда 285 бала белем ала, иҗат серләренә төшенә. Мәктәп елына район, шәһәр, республика һәм халыкара конкурслар һәм күргәзмәләрдә дистәдән артык тапкыр катнаша.
Кызыклы яңалыкларны күзәтеп бару өчен Телеграм-каналга язылыгыз