Җәмгыять 12 гыйнвар 2005 14:10

Казанның 1000 еллыгына юбилей почта маркалары чыгарылачак

Скопировать ссылку

(Казан, 12 гыйнвар, "Татар-информ", Ирина Пашкеева). Быел Татарстанның почта элемтәләрендә Казан Кремле рәсеме ясалган 15 мең почта маркасы пәйда булачак.

"Татарстан почтасы" Почта элемтәсе идарәсе инициативасы буенча, РФ Мәгълүмат технологияләре һәм элемтә министрлыгының "Марка" нәшрият-сәүдә үзәге шәһәр юбилеена Сөембикә манарасы, Благовещенский соборы һәм Кол Шәриф мәчете күренеше белән почта маркалары чыгара. 2004 елда Казанга нигез салынуга 1000 ел сериясендә "Марка" 2 миллион нөсхә тираж белән берничә төрле конверт, открытка һәм марка чыгарды инде.

Россия нәшрияты Татарстанның истәлекле даталары белән беренче тапкыр гына кызыксынмый. Узган ел Казан дәүләт университетының 200 еллыгына КДУ бинасы һәм 1804 елда император Александр I имзалаган Раслау грамотасы рәсеме белән 300 мең марка һәм 20 мең конверт чыгарылган.

Сәхифәләр

Казанның 1000 еллыгына юбилей почта маркалары чыгарылачак