Мәдәният 22 март 2005 13:47

^Казанның 1000 еллыгына киевлылар музыкаль бүләк әзерли

Скопировать ссылку

(Киев, 22 март, “Татар-информ”, Диләвәр Османов). Киевтагы “Туган тел” Бөтенукраина татар мәдәни үзәге белдерүенчә, шәһәрнең“Шатлык”, “Сабантуй”, “Ләйсән” балалар һәм “Асылъяр” яшьләр ансамбльләре Казанның 1000 еллыгына музыкаль бүләк әзерләде. Бу коллективлар 19 музыкаль композиция һәм татар халык җырларыннан төзелгән компакт-диск чыгарырга җыена. Компакт-дискка шулай ук Киев авторы, татар үзәге активисты Әлфия Шевченконың Харьковта яшәүче Салих Җамалиев сүзләренә язылган яңа җырлары да кергән. Компакт-диск 1000 данәдә чыгарылачак. Аның күбесен юбилей вакытында Казан кунакларына һәм казанлыларга тапшыру күздә тотыла.

Сәхифәләр

^Казанның 1000 еллыгына киевлылар музыкаль бүләк әзерли