Казаннан ярыштан кайтып баручы балалар утырган автобус Ульяновск янында авариягә очраган
Кичә кичке сәгать 10 тирәсендә Ульяновск өлкәсенең Сура районында автобус катнашында юл-транспорт һәлакәте булган, ул Казаннан кайтып килгән.
Төбәкнең Дәүләт автоинспекциясендә хәбәр итүләренчә, техник төзексезлек аркасында йөртүче идарәне югалта, автобус юл кырыена төшеп киткән һәм ауган.
Юл-транспорт һәлакәте нәтиҗәсендә автобусның өч пассажиры - ике олы кеше һәм бер бала хастаханәгә китерелгән. Аларга медицина ярдәме күрсәткәннәр һәм өйләренә кайтарып җибәргәннәр.
Социаль челтәрләрдә атобуста янәсе Казанда яшәүчеләр булган дигән хәбәрләр барлыкка килде.
«Татар-информ»га Ульяновск өлкәсенең пропаганда бүлегендә хәбәр итүләренчә, автобуста Татарстан кешеләре булмаган. Автомобиль пассажирлары – Пензада яшәүчеләр, алар Татарстан башкаласында узган ярышлардан соң өйләренә кайтып барган.