news_header_top_970_100
news_header_bot_970_100

Казаннан Кытайның Хайнань утравына рейслар ачыла

Рейслар 340 урынга исәпләнгән Boeing 767-300ER очкычларында башкарылачак.

(Казан, 22 ноябрь, "Татар-информ"). 24 декабрьдә “Икар” авиакомпаниясе Казан – Хайкоу (Хайнань утравы, Кытай) маршруты буенча чартер программасын ачып җибәрә. Очышлар программасы 2018 елның 18 мартына кадәр дәвам итәчәк, дип җиткерә Казан мэриясенең рәсми порталы “Казан” халыкара аэропорты матбугат хезмәтенә сылтама белән.

Очышлар Казаннан якшәмбе көннәрендә 20.30 сәгатьтә башкарылачак. 14 һәм 21 гыйнварда рейслар 17.00 сәгатькә күчерелә.

Кире юнәлештә Казанга очкыч 13.30 сәгатьтә кузгала. 14 һәм 21 гыйнварда Казанга очыш 9.30 сәгатьтә башкарыла. Һәр аэропорт өчен җирле вакыт күрсәтелгән.

Рейслар 340 урынга исәпләнгән Boeing 767-300ER очкычларында башкарылачак.

news_right_column_1_240_400
news_right_column_2_240_400
news_bot_970_100