Казаннан Иннополиска автобуслар яңадан йөри башлады
6 февральдән автобуслар Иннополиска расписание буенча йөри башлады, моңа кадәр һава торышына бәйле рәвештә барлык рейслар да туктатылган иде.
Скопировать ссылку
(Казан, 6 февраль, «Татар-информ»). Казаннан Иннополиска автобуслар яңадан йөри башлады, дип хәбәр ителә фәнни шәһәрнең Telegram-каналында.
6 февральдән автобуслар Иннополиска расписание буенча йөри башлады, диелә хәбәрдә.
Моннан бер көн элек һава торышына бәйле рәвештә шәһәргә кадәр барлык рейсларны да туктатканнар иде. Иннополиста махсус техника көне буе юлларны кардан чистартты. Бернинди юл һәлакәтләре дә күзәтелмәде, дип хәбәр итә шәһәрнең матбугат хезмәте.