Җәмгыять 29 сентябрь 2023 14:15

Казаннан Дубайга яңа авиарейслар ачарга планлаштыралар

Скопировать ссылку

Казаннан Дубайга яңа авиарейслар ачарга планлаштыралар. Очышлар программасы кышкы яллар һәм яңа ел каникуллары чорына төзелгән: 2023 елның 21 нче декабреннән 2024 елның 31 нче гыйнварына кадәр, дип хәбәр итә Казан аэропортының матбугат хезмәте.

Казаннан самолетлар атнага ике тапкыр очачак: җомга көннәрендә очып китү – 8:00 сәгатькә, төшү 14:10 сәгатькә билгеләнгән, дүшәмбе көннәрендә суднолар 7:25 сәгатьтә китәчәк, 13:35 сәгатьтә килеп җитәчәк.

Кире юнәлештә дә рейслар атнага ике тапкыр башкарылачак: пәнҗешәмбе көннәрендә очып китү 17:35 сәгатькә билгеләнгән, төшү – 21:50 сәгатькә, якшәмбе көннәрендә очып китү 13:30 сәгатькә планлаштырылган, килеп җитү – 17:45 сәгатькә. Һәр аэропорт өчен җирле вакыт күрсәтелгән, шәһәрләр арасындагы юл биш сәгатькә якын вакытны алачак. Графикта үзгәрешләр булырга мөмкин.

Сәхифәләр

Казаннан Дубайга яңа авиарейслар ачарга планлаштыралар