Хәвеф-хәтәр 30 ноябрь 2018 11:22

Казаннан чыга торган юлда булган авариянең видеосы социаль челтәрләрдә таралды

Мәскәү – Уфа трассасының 776нчы километрында «Лада Веста» автомобиле үзеннән алда хәрәкәт иткән «КАМАЗ»га килеп бәрелгән.

Скопировать ссылку

(Казан, 30 ноябрь, «Татар-информ»). Казаннан чыга торган юлда булган авариянең видеосын шаһитлар социаль челтәрләрдә урнаштырды. Республика Дәүләт автоинспекциясеннән «Татар-информ» агентлыгына хәбәр итүләренчә, авария Мәскәү – Уфа трассасының 776нчы километрында булган.

Башлангыч мәгълүматларга караганда, «Лада Веста» автомобиле тиешле дистанция һәм тизлекне сакламаган. Ул үзеннән алда хәрәкәт иткән «КАМАЗ»га килеп бәрелгән.

Авариядә төрле тән җәрәхәтләре алган 63 яшьлек шофер һәм 67 яшьлек пассажирны хастаханәгә озатканнар.

#юл һәлакәте

Сәхифәләр

Казаннан чыга торган юлда булган авариянең видеосы социаль челтәрләрдә таралды