Казаннан Җәббаровлар: Балалар динне, гореф-гадәтләрне дәвам итүчеләр булырга тиеш

Скопировать ссылку

Казанда яшәүче Җаббаровлар гаиләсе өч бала тәрбияләп үстерә. Гаилә традицияләре турында алар ТНВ-Яңа гасыр телеканалында Гаилә елына багышлап уздырылучы телемарафонда сөйләде.

Җәббаровлар 15 ел яшәп, Мәрьям, Бәхтияр, Зифа исемле балалар тәрбияли. «Гаилә традицияләре балалар тугач барлыкка киләдер. Олы кызыбыз Мәрьям тугач, безнең балалар, һичшиксез, буыннар бәйләнешен, телне, динне, гореф-гадәтләрне дәвам итүчеләр булырга тиеш дип уйлаштык. Үзебезнең әти-әниләр дә татар җанлы», – ди алар.

Алар туган телдә аралашу гаиләдә төп традиция булуын әйтте. «Милләтебез белән бәйле якты вакыйгаларны барып күрү, бергә премьераларда, иҗади бәйрәмнәрдә, концертларда булуны традициягә керттек. Җәй көне велосипедта йөрергә, кыш көне чаңгыда шуарга, шугалакка йөрергә яратабыз. Гаилә – җәмгыятьнең нигезе. Без аны сакларга тиеш», – дип сөйләде Җаббаровлар.

Кызлары Мәрьям сүзләренчә, кичләрен буш вакытлары булганда, музыкаль кичәләр, мини концертлар оештырырга яраталар. Әтиләре белән бергәләп уен коралларында уйныйлар, җырлыйлар.

Сәхифәләр

Казаннан Җәббаровлар: Балалар динне, гореф-гадәтләрне дәвам итүчеләр булырга тиеш