Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанлыларның өчтән береннән артыгы ел ахырында премия көтә
Казанда яшәүчеләрнең өчтән береннән артыгы (36%) ел йомгаклары буенча премия алуны көтә. Шул ук вакытта сораштырылучыларның 30 проценты аларның компанияләрендә мондый түләүләр каралмаган дип хәбәр иткән. Бу хакта «Татар-информ» карамагында булган SuperJob сораштыруы нәтиҗәләре сөйли.
Тагын 14 процент респондентлар премияләр булмауны эш бирүченең тотрыксыз финанс-икътисади хәле белән аңлаттылар, 6 процент башка сәбәпләрне атады.
Еш кына еллык бүләкләүгә 35 яшькә кадәрге яшьләр исәп тота – 40 процент. Бу яшьтән өлкәнрәк казанлылар арасында мондый җаваплар өлеше 32 процент тәшкил иткән. Моннан тыш, премияне азрак акча эшләүчеләргә караганда (32%) кереме 100 мең сумнан артык булган хезмәткәрләр ешрак көтә (39%).
Түләүгә исәп тотучылар арасында 16 процент акча туплауга юнәлтергә планлаштыра, шулкадәр үк – кредит һәм бурычларны каплауга. Тагын 13 процент премияне ялга һәм сәяхәтләргә сарыф итәчәк, 10% – гаилә ихтыяҗларына, 8% – үзенә, 7% – бүләкләргә. Респондентларның 4 проценты укуга яки ремонтка акча кертергә җыена.
Яңалыкларны күзәтеп бару өчен Макс-каналга язылыгыз