Казанлыларны «СүзДәш» сәхнә теле дәресләрендә катнашырга чакыралар
Скопировать ссылку
13 октябрьдә 19:00 сәгатьтә Шәрык клубында «СүзДәш» сәхнә теле дәресләре уза. Чарага яхшы сөйләшергә, халык алдында чыгыш ясаудан куркудан котылырга һәм үзен халык алдында тота белергә өйрәнергә теләүчеләр чакырыла. Бу хакта Шәрык клубының телеграм-каналында хәбәр ителә.
Курсларда катнашучылар:
- Дикциясен һәм артикуляциясен яхшыртачак;
- Сөйләмен сәнгатьле һәм эмоциональ үстерәчәк;
- Дөрес суларга һәм тавыш белән идарә итәргә өйрәнәчәк;
- Импровизация һәм текст белән эшләү техникасын үзләштерәчәк;
- Халык алдында чыгыш ясаудан куркуны җиңә алачак.
Дәресләрне актер, «Татарстан – Яңа гасыр» телеканалы алып баручысы, нәфис сүз остасы Данис Хисмәтуллин алып бара.
Дәресләр октябрьнең һәр сишәмбесендә 19:00 сәгатьтә үтәчәк.
Яшь чикләве: 18+
