Казанлыларны өстәмә ике ял көне көтә
Бәйрәм көннәре алдындагы эш көннәре озынлыгы бер сәгатькә кыскара.
Скопировать ссылку
(Казан, 26 июль, “Татар-информ”). Августта татарстанлыларны ике өстәмә ял көне көтә. Бу хакта Казан мэриясе матбугат хезмәте хәбәр итә.
Эш көне булмаган бәйрәм көннәре булып, Татарстан Республикасы көне һәм Казан шәһәре көне тора. Алар 30 августта билгеләп үтелә. Шулай ук Корбан бәйрәме быел 21 августта булачак.
Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәтендә хәбәр ителгәнчә, бәйрәм көннәре алдыннан - 20 һәм 29 август көннәрендә эш көне бер сәгатькә кыскара.