Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанлыларны “Үлемсез полк” йөрешенә чакыралар
Катнашучылар 9 май көнне 13.00 сәгатьтә Карл Маркс һәм Толстой урамнары чатында җыела.
(Казан, 1 май, “Татар-информ”). Казанда 9 майда Бөек Ватан сугышында җиңүнең 72 еллыгы уңаеннан елдагыча “Үлемсез полк” йөреше оештырыла. Бу хакта башкала мэриясе матбугат хезмәте хәбәр итә.
Быел казанлыларга бераз үзгәртелгән маршрут тәкъдим ителә. Катнашучылар 9 май көнне 13.00 сәгатьтә Карл Маркс һәм Толстой урамнары чатында җыела. Аннан колонна, Карл Маркс урамы буйлап Лобачевский урамыннан чыгып, “Черек күл” паркы яныннан Кремль урамына килә. “Үлемсез полк” йөреше Меңьеллык мәйданында төгәлләнә. Анда катнашучыларны интерактив бәйрәм программасы, “Җырлы Казан” проектының хоры көтә.
“Үлемсез полк” йөрешенә старт 15.00 сәгатькә планлаштырылган. Аны 200 квадрат метрлы зур Җиңү Байрагы әйдәп барачак. Аны “Җиңүчеләр варислары” берлеге халыкара яшьләр хәрәкәте катнашучылары алып бара. “Үлемсез полк” йөрешендә 500 волонтер ярдәм итәчәк.
Кызыклы яңалыкларны күзәтеп бару өчен Телеграм-каналга язылыгыз