Мәдәният 30 сентябрь 2017 10:44

Казанлыларга «Страна поломанных игрушек» спектаклен тәкъдим итәчәкләр

Акция мөмкинлекләре чикләнгән һәм сәламәт балалар арасындагы каршылыкны бетерүгә юнәлдерелгән.

Скопировать ссылку

(Казан, 30 сентябрь, «Татар-информ»). 7 октябрьдә «Әкият» балалар үзәгендә «Страна сломанных игрушек» инклюзив спектаклен күрсәтәчәкләр. Бу хакта «Э-моция» студиясенең җитәкчесе Инесса Клюкина хәбәр итте.

6 яшьтән зурраклар өчен исәпләнелгән спектакльнең авторы - «Э-моция» студиясе режиссеры һәм сценаристы Неля Суркина. Әсәрдә Лия исемле кыз һәлакәттә зыян күргән аюын эзләргә юлга кузгала. Тылсымлы дөньяда Лия бик күп уенчыкларны очрата. Аларның кайберләре дусларын сагына, икенчеләре җимерелгән тормышлары өчен балаларга үпкәләп йөри. Лия яраткан аюын коткара, ә үпкәләгән уенчыклар үзләренең шатлык өләшергә тиеш булуларын искә төшерә.

Әсәр Татарстанның Хезмәт, эш белән тәэмин итү, социаль яклау министрлыгы һәм Мәдәният министрлыгы ярдәмендә күрсәтелә. Акция мөмкинлекләре чикләнгән һәм сәламәт балалар арасындагы каршылыкны бетерүгә юнәлдерелгән.

Спектакльнең тамашачысы инвалид балалы гаиләләр, реабилитация үзәкләрендә тәрбияләнүчеләр һәм гади мәктәп укучылары булачак.

#мөмкинлекләре чикләнгән балалар

Сәхифәләр

Казанлыларга «Страна поломанных игрушек» спектаклен тәкъдим итәчәкләр