Казанлыларга бүген булачак бәйрәм чаралары турында хәбәр иттеләр
Шимбә, 10 гыйнварда, Казан җәмәгать киңлекләрендә спорт, гаилә һәм музыкаль чаралар узачак. Бу хакта шәһәр мэриясе матбугат хезмәте хәбәр итте.
Программа Казансу елгасы яр буенда «Горожанин-ученый» кышкы лабораториясе кысаларында башлана. Биредә, «Түбән Елга аръягы» пляжы территориясендә, коткару будкасы янында, сноукайтинг буенча мастер-класс узачак. Чара 11:00 сәгатьтә башлана. Катнашу өчен теркәлү таләп ителә.
14:00 сәгатьтә «Елмай» балалар паркы сәхнәсендә «Бремен музыкантлары» музыкаль спектакле күрсәтеләчәк. Яшүсмерләр театр студиясе танылган әкият мотивлары буенча мюзикл тәкъдим итәчәк.
Кич, 17:00 сәгатьтә, Лядский бакчасында «Бары тик хәрәкәтлән!» кышкы дискәтүге оештырыла. Кунакларны диджей-сетларга биергә, кайнар эчемлекләр белән җылынырга һәм бакча атмосферасы белән ләззәтләнергә чакыралар. Кичәнең хедлайнеры – Санкт-Петербургтан DJ Stonik1917. Кунаклар фонтан янында җыелачак.
Шулай ук 17:00 сәгатьтә шәһәрнең төп чыршысы янында Кыш Бабай һәм Кар Кызы катнашында театральләштерелгән программа көтелә.
Мэриядә чаралар афишасы һава торышы шартларына карап үзгәрергә мөмкин, дип кисәттеләр.