Архив 29 гыйнвар 2010 18:59

Казанлылар вакансияләр ярминкәсенә чакырыла

Ул февральда «Химиклар» мәдәният йортында узачак

Скопировать ссылку

(Казан, 29 гыйнвар, «Татар-информ»). Казан шәһәре мәшгульлек хезмәте эш эзләгәннәрне гомумшәһәр ярминкәсенә чакыра. Вакансияләр ярминкәсе исә 18 февраль көнне 10.00-14.00 сәгатьләрдә «Химиклар» мәдәният йортында уздырыла.

Һәрвакыттагыча, эш юллап килгән кеше предприятиеләрнең кадрлар хезмәте вәкилләре белән күзгә-күз аралаша, буш эш урыннары турында мәгълүмат туплый алачак. Шулай ук эшкә урнашу һәм дәүләт гарантияләре, һөнәри белем алу, һөнәр сайлау мәсьәләсе буенча консультация алу мөмкинлеге каралган. Бу хезмәтләр ярминкәдә барысы да бушлай, шул исәптән компьютер аша вакансияләр банкы мәгълүматлары белешү дә. Мөрәҗәгать итү өчен тел.: 562-48-33.

Мәгълүмат шәһәр мэриясе сайтыннан алынды.

Сәхифәләр

Казанлылар вакансияләр ярминкәсенә чакырыла