Җәмгыять 22 июнь 2019 17:52

Казанлылар өчен Юридик ярдәм көнендә түләүсез консультация биреләчәк

Белгечләр шәһәрлеләрнең сорауларына 27 июньдә 9.00 сәгатьтән 16.30 сәгатькә кадәр җавап бирәчәк.

Скопировать ссылку

(Казан, 22 июнь, «Татар-информ»). 27 июньдә Татарстан башкаласында Бердәм түләүсез юридик ярдәм көне узачак.

Шәһәрлеләр үзләрен кызыксындырган сорауларына җавап 9.00 сәгатьтән 16.30 сәгатькә кадәр «Бердәм Россия» партиясе рәисенең региональ җәмәгать кабул итү бүлмәсендә (Карл Маркс урамы, 31/7 нче йорт) алачак.

Шулай ук партиянең шәһәр бүлекләрендәге җәмәгатьчелекне кабул итү бүлмәләрендә түбәндәге адреслар буенча консультация алырга мөмкин булачак: Восстание урамы, 34 нче йорт; Дементьев урамы, 2б; Жуковский урамы, 12 нче йорт; Ипподром урамы, 17 нче йорт; Себер тракты, 20 нче йорт; Халтурин урамы, 16 нчы һәм Четаев урамы, 50 нче йорт).

Гражданнар сорауларына Россия Пенсия фондының Татарстан буенча бүлеге, Суд приставлары федераль хезмәте республика буенча идарәсе, Татарстан Нотариаль һәм адвокатлар палатасы, Татарстан Хезмәт, халыкны эш белән тәэмин итү һәм социаль яклау министрлыгы һәм Татарстан Юстиция министрлыгы, Татарстан Конституция суды һәм «Татарстан Республикасының техник инвентаризация бюросы» АҖ белгечләре җавап бирәчәк.

#юридик ярдәм

Сәхифәләр

Казанлылар өчен Юридик ярдәм көнендә түләүсез консультация биреләчәк