Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанга Үзбәкстанның Сәмәрканд өлкәсе хакиме Химмәт Окбутаев килде
Химмәт Окбутаев Татарстан Республикасы Президенты Рөстәм Миңнеханов белән очрашачак.
(Казан, 12 март, “Татар-информ"). Үзбәкстанның Сәмәрканд өлкәсе хакиме (үзбәкче - хоким) Химмәт Окбутаев бүген эшлекле сәфәр белән Татарстанга килде. Бу хакта Президентның матбугат хезмәте хәбәр итә. “Казан” халыкара аэропортында кунакны Татарстан Республикасы Премьер-министры Илдар Халиков каршы алды.
Республикадагы сәфәре кысаларында Химмәт Окбутаев “Алабуга” икътисадый зонасында, “КАМАЗ” автомобиль заводы, “Медицина фәне үзәге”/«Эйдос» һәм “Казан” агросәнәгать паркында булачак. Шулай ук ул “ИТ-парк” технопаркы һәм “Иннополис” фән шәһәрчеге мисалында Татарстандагы ИТ- технологияләрнең үсеше белән танышыр дип көтелә.
Моннан кала хоким XVIII халык ара махсуслашкан “Энергетика. Ресурсларны саклау” күргәзмәсенең ачылышында да катнашачак. Әлеге чара “Казан ярминкәсе” күргәзмә үзәге җирлегендә үтә. Соңрак Химмәт Окбутаев Татарстан Республикасының Сәүдә-сәнәгать палатасында Сәмәрканд өлкәсенең икътисадый мөмкинлекләрен тәкъдим итәчәк.
Сишәмбе, 14 март, Химмәт Окбутаев Татарстан Президенты Рөстәм Миңнеханов белән очрашачак. Очрашу Казан Кремлендә урнашкан Татарстан Президенты резиденциясендә булачак. Яклар төбәкара хезмәттәшлекне үстерү буенча фикер алышачак.
Кызыклы яңалыкларны күзәтеп бару өчен Телеграм-каналга язылыгыз