Казанга Яңа ел бәйрәмнәренә килгән туристлар саны узган елга караганда 10 процентка арткан
Бәйрәм көннәрендә Татарстан башкаласына Россия һәм чит илләрдән 150 мең кунак килгән.
(Казан, 14 гыйнвар, «Татар-информ», Екатерина Фадеева). Казанга Яңа ел бәйрәмнәренә килгән туристлар саны узган, ел белән чагыштырганда, 8-10 процентка арткан. Бүген Казан мэриясендә узган эшлекле дүшәмбе киңәшмәсендә шул хакта билгеле булды.
«Бу – яхшы тенденция, ул туристлык юнәлешенең үсешен чагылдыра. Безнең бурыч – туристларның саны тагын да артсын кунакларга шәһәребезне бөтен матурлыгын күрсәтү», - дип искәртте Казанның Туризмны үстерү комитеты директоры Дарья Санникова.
Бәйрәм көннәрендә Татарстан башкаласына Россиянең Мәскәү, Санкт-Петербург, Түбән Новгород, Самара, Ижевск, Владивосток һ.б. шәһәрләреннән, шулай ук чит илләрдән 150 мең (узган елда – 130 мең) кунак килгән.
Моннан тыш, Казанда Казахстан, Төркмәнстан, Монголия, Франция һәм АКШ туристлары да кунак булган, дип сүзен йомгаклады Туризмны үстерү комитеты директоры.