Мәдәният 20 ноябрь 2009 16:50

Казанга шәрык биюе осталары җыела

21-22 ноябрьдә Казанның “Корстон” кунакханә-күңел ачу комплексында шәрык биюләре буенча «Suyumbike» дип исемләнгән Аурупа чемпионаты узачак

Скопировать ссылку

(Казан, 20 ноябрь, “Татар-информ”). 21-22 ноябрьдә Казанның “Корстон” кунакханә-күңел ачу комплексында шәрык биюләре буенча «Suyumbike» дип исемләнгән Аурупа чемпионаты узачак.
ТР Мәдәният министрлыгының матбугат хезмәте хәбәренә күрә, мәркәзебезгә тәүге тапкыр Россия, БДБ, Аурупа илләреннән иң оста биючеләр җыелачак. Алар Belly dance буенча Аурупа Чемпионы исеменә дәгъва итәчәк. Ярышлар өч яшь категориясендә уза. Биюләрне балалар, яшүсмерләр һәм өлкәннәр күрсәтер дип көтелә.
Спорт бәйрәменең беренче көнендә призлы урыннар өчен шәрык, фольклор биюләрен башкаручы балалар һәм яшүсмерләр ярышачак. 22 ноябрьдә исә бәйгене өлкәннәр дәвам итәчәк. Көн азагында исә Чемпионатта җиңүчеләр катнашында гала-концерт оештырыла.
Чараны Гомумроссия биючеләр оешмасы ярдәме белән ТР Мәдәният министрлыгы, Казанның “Тарона” шәрык осталары гильдиясе, “Сөмбел” шоу-төркеме оештыра.

Сәхифәләр

Казанга шәрык биюе осталары җыела