Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанга Россия төбәкләреннән балалар табиблары җыела
Алар "Идел буе федераль округында педиатрия һәм балалар хирургиясе" XIV Россия конгрессында катнаша.
(Казан, 4 декабрь, “Татар-информ”, Гөлнар Гарифуллина). Иртәгә Казанда Идел буе федераль округында педиатрия һәм балалар хирургиясе” XIV Россия конгрессы ачыла. Бу хакта Татарстанның Сәламәтлек саклау министрлыгының матбугат хезмәте хәбәр итә. Конгресска төрле өлкәләрдә эшләүче балалар табиблары җыела.
Чара кысаларында Идел буе федераль округы педиатр-нефрологларының VIII конференциясе, округның балалар гастроэнтерологларының VI конференциясе, неонатологлары конференциясе, округта спорт медицинасы белгечләренең IV конференциясе, социаль педиатрия буенча III Идел буе федераль округы конференциясе узачак.
Конгресста Россия төбәкләреннән аналарны һәм балаларны яклау хезмәтләре җитәкчеләре, Россия төбәкләрендә сәламәтлек саклау идарәсе органнарының баш белгечләре, балалар хастаханәләре, балалар диагностика үзәкләренең баш табиблары, педиатрия һәм балалар хирургиясе өлкәсе белгечләре, балалар урологлары, неонатологлар, гастроэнтерологлар, балалар стоматологлары һәм башкалар катнаша.
Конгресс кысаларында медицина җиһаз-җайланмалары, фармацевтик препаратлар, медицина әдәбияты һәм башкалар тәкъдим ителәчәк күргәзмә оештырыла.
Кызыклы яңалыкларны күзәтеп бару өчен Телеграм-каналга язылыгыз