Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанга лекция укырга килгән Мисыр галиме Татарстан мөфтиятендә булды
Анда ул ТР мөфтие белән очрашты
(Казан, 10 ноябрь, "Татар-информ"). Бүген Татарстан мөфтие Камил хәзрәт Сәмигуллин Әл-Әзһәр университеты шәригать һәм хокук факультетының ислам хокуклары мөгаллиме Әхмәт Мәхмүт әш-Шәриф белән очрашты. Мөфти Мисырдан килгән кунакка мөфтият тарафыннан алып барылган фән һәм мәгариф юнәлешендәге эшләр хакында сөйләде. Татарларның ислам тарихы хакында җиткерде. Татар галимнәренең “Хузур” нәшрияты чыгарган гарәп телендәге китапларны бүләк итте, диелә ТР мөселманнары Диния нәзарәте матбугат хезмәте хәбәрендә.
Әхмәт Мәхмүт әш-Шәриф хәнәфи фикһе буенча белгеч һәм ул Татарстанга махсус “Хәнәфи мәзхәбенең актуаль һәм бәхәсле сораулары” дигән темага лекция укырга килгән. Белгеч дәресе мөгаллимнәр, имамнар, имам-мөхтәсибләр өчен уздырыла. Лекцияләр Казан ислам институтында 10-12 ноябрь көннәрендә үткәрелә.
Фотосурәт dumrt.ru сайтыннан алынды.
Яңалыкларны күзәтеп бару өчен Макс-каналга язылыгыз