Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанга кышкы китап фестиваленә Россиянең кырыктан артык нәшрияты киләчәк
10-11 декабрьдә Казанда 10нчы кышкы китап фестивале узачак. Чара Татарстан Милли китапханәсе һәм «Смена» заманча мәдәният үзәге базасында була, дип хәбәр итә үзәкнең матбугат хезмәте.
Фестивальдә үз басмаларын бөтен Россиядән кырыктан артык нәшрият тәкъдим итәчәк.
Чараның тулы программасы әлегә билгеле түгел, әмма оештыручылар кунакларга җирле тарихны өйрәнүнең төрле төрләре турында ачык лекцияләр белән өч шоукейс-конференция вәгъдә итә. Шул исәптән катнашучыларны Казанны өйрәнү турында сөйләшүләр сериясе дә көтә, анда туган якны өйрәнүче Марк Шишкин катнашачак.
Моннан тыш, мәйданчыкта «Идел архивы: дымлы археология, су турында хәтер һәм ни өчен суның хәтере юк» дип аталган программа тәкъдим ителә. Биредә кунаклар агач археологиясе, суның химик үзлекләре һәм Зөя-утрау шәһәрчеге халкының Идел турындагы истәлекләрен белә алачак.
Татарстан Милли китапханәсе фойесында Вознесенский үзәгеннән күргәзмә, рәссам Илгизәр Хәсәновның «Коллекционер» инсталляциясе куелачак.
Кунакларны шулай ук театраль тамашалар, концерт программасы көтә. Фестивальдә «Почмак» иҗат лабораториясе, MOÑ театр мәйданчыгы һәм башка мәйданчыклар эшләячәк.
Кызыклы яңалыкларны күзәтеп бару өчен Телеграм-каналга язылыгыз