news_header_top_970_100
Руc Тат
16+
news_header_bot_970_100
Спорт 28 сентябрь 2009 12:11

Казанга “Интер” командасы килде

Италия командасының тренерлар штабы “Рубин” белән узачак матчка 20 футболчыны алып килде

Скопировать ссылку
(Казан, 28 сентябрь, “Татар–информ”). Италия чемпионы – Миланның “Интер” клубы Казанга “Рубин” белән узачак Чемпионнар лигасы матчына килде.
Футболчылар утырган самолет “Казан” Халыкара аэропортына кичә 20.00 сәгатьтә төшеп утырды. Татарстан башкаласына Милан клубының 20 футболчысы: капкачылар Жулиу Сезар, Орландони, Тольдо; сакчылар Дзанетти, Киву, Кордоба, Лусиу, Майкон, Самуэль, Сантон; ярымсакчылар Виейра, Камбьяссо, Крхин, Манчини, Мунтари, Рикарду Куарежма, Станкович; һөҗүмчеләр Балотелли, Милито, Это’О килде. Әлеге исемлектә Голландия ярымсакчысы Уэсли Снайдер юк – ул җәрәхәтләнгән аягын дәвалауны дәвам итә, дип хәбәр итә “Спорт–Экспресс”.
Бүген 17.30 сәгатьтә командалар Үзәк стадионда матч алды күнегүләре үткәрәчәк, шунда ук Корбан Бердыев һәм Жозе Моуриньо катнашында матбугат конференцияләре узачак.


autoscroll_news_right_240_400_1
autoscroll_news_right_240_400_2
news_bot_970_100