Казанга Ил кубогы этабына Россиянең иң яхшы чаңгычылары киләчәк
Скопировать ссылку
15-19 гыйнварда Казанда чаңгы ярышы буенча Россия кубогының V этабы була. Бу көннәрдә Татарстан башкаласында илнең иң яхшы спортчылары җыелачак, дип хәбәр итә республика Спорт министрлыгы.
Ярышларда Александр Большунов, Сергей Ардашев, Савелий Коростелев, Иван Горбунов, Анастасия Фалеева, Лидия Горбунова һәм башка йолдызлар катнаша. Ярыш Мирный бистәсендә урнашкан чаңгы-биатлон комплексында үтә. Чаңгычылар 10 һәм 15 километрлы (спринт), шулай ук 15 һәм 30 километрлы (скиатлон) дистанцияләрдә узышачак.
Тамашачылар өчен уңайлы парковкалар, күңел ачу программасы һәм туклану нокталары әзерләнгән. Ярышларны бушлай килеп карарга була. Расписание белән сылтама аша кереп танышырга мөмкин.