Спорт 18 февраль 2010 12:13

Казанга футбол кайтты

Бүген “Рубин” Ауропа лигасында көрәш башлый

Скопировать ссылку

(Казан, 18 февраль, “Татар-информ”). Кичә Ауропа Лигасында плей-офф уеннары башланды. 1/16 финал ярышларының чираттагысы бүген Казанда - “Рубин” белән Тель-Авивның “Хапоэль” командасы арасында узачак. Үзәк стадионда матч планлаштырылганнан 4 сәгатькә иртәрәк башлана. Һава шартларының үзгәрүен һәм якларның фикерләрен исәптә тотып, УЕФА комиссиясе әнә шундый карарга килде. “Рубин”-“Хапоэль” очрашуына кичке 5 тә старт бирелә.

Казанлыларның тренеры Корбан Бердыев көндәшләрен оборонада һәм һөҗүмдә нык оешкан команда буларак бәяли. Израиль командасы Ауропа кубогы ярышларында катнашып шактый тәҗрибә туплаган коллектив. Әмма белгечләр, Россия чемпионнарының югары әзерлек дәрәҗәсе аларга көндәшләреннән өстен чыгарга ярдәм итәргә тиеш, дип саный.

Сәхифәләр

Казанга футбол кайтты